14-07-2010

14 iyul 2010-cu il tarixdə  YAP Lənkəran Şəhər Təşkilatı Gənclər Birliyinin təşəbbüsü ilə Şəhər Təşkilatının  qərərgahında Ümummilli Lider  Heydər Əliyevin  1969-cu ildə ilk dəfə siyasi hakimiyyətə gəlişinin 41-ci ildönümünün qeyd olunması ilə bağlı  dəyirmi-masa keçirilmişdir. Rayonun ictimai fəal gənclərinin iştirak etdiyi  dəyirmi- masada dünya şöhrətli  dövlət və siyasi xadim, böyük vətənpərvər şəxsiyyət Ulu Öndər Heydər Əliyevin həyat və fəaliyyəti, zəngin tarixi irsi barədə ətraflı söhbət aparılmış, onun xalqımız qarşısında göstərdiyi əvəzsiz xidmətləri  qeyd olynmuşdur.

14-07-2010

14 iyul 2010-cu il tarixdə Lənkəran şəhərində  Heydər Əliyev xatirə müzeyində Ümummilli Liderin  1969-cu ildə ilk dəfə siyasi hakimiyyətə gəlişinin 41-ci ildönümünün qeyd olunması ilə bağlı “Nəsillərin görüşü” adlı tədbir keçirilmişdir.

   Görüşdə müxtəlif yaş qruplarını təmsil edən müharibə, əmək,  partiya  və sovet veteranları, gənclər- cəmi 80 nəfər iştirak edib. Görüşü açıq elan edən Lənkəran ŞİH Başçısı aparatının İctimai təşkilatlar və siyasi partiyalarla iş şöbəsinin müdiri  Əlimərdan Əliyev Azərbaycan xalqının Ümummilli Lider Heydər Əliyevin 1969-2003-cü illər ərzindəki fəaliyyəti barədə geniş məruzə etmişdir.

    Partiya, sovet veteranı Sərhad Məmmədov, Mədəniyyət işçisi Siddiqə Rzayeva, rayon Ağsaqqallar Şurasının sədri Kamal Kələntərli, Lənkəran Dövlət Universitetinin dosenti Mirhaşım Talışlı çıxış edib Ulu Öndərin Azərbaycan  xalqı qarşısında tarixi xidmətlərindən, xüsusilə Lənkəran rayonunun sosial-iqtisadi inkişafından ötrü gördüyü misilsiz işlərindən  danışıblar.

   Görüşün sonunda  Heydər Əlievlə bağlı film-xronika nümayiş etdirilmişdir.

26-06-2010

Prezident İlham Əliyev Lənkərana səfəri çərçivəsində “Palmali Holdinq” şirkətlər qrupuna daxil olan “Palfood” MMC-nin dondurma fabrikinin açılışında iştirak etmişdir.

Müəssisənin kollektivi dövlətimizin başçısını hərarətlə qarşıladı.

Prezident İlham Əliyev müəssisə ilə yaxından tanış oldu.

Məlumat verildi ki, “Palfood” MMC dondurma fabrikinin tikintisinə 2008-ci ildə başlamış, ötən ilin sonlarında isə “Paldad” markası ilə dondurma istehsalına başlanılmışdır. Lənkəran şəhərinin Ləvəngi dairəsində yerləşənfabrikin ümumi sahəsi 20 min kvadratmetrdir. Müəssisədə 120 nəfər işlə təmin olunmuşdur. Burada keyfiyyətli süddən istifadə edilməklə “Türk üsulu”, “Palegriya”, “Buz qələm” və digər adlarda 28 çeşiddə dondurma istehsal olunur. Beynəlxalq İSO 22000 qida təhlükəsizliyi idarə sistemi çərçivəsində xam məhsulun emalından son qablaşdırmayadək dondurma ən yüksək səviyyədə əl vurulmadan hazırlanır. Fabrik ayda 500 min litr dondurma istehsal etmək gücünə malikdir.

Prezident İlham Əliyev müəssisənin işə düşməsini bildirən düyməni basdı. Məlumat verildi ki, hazır məsul mənfi 30 dərəcədə olan soyuducu anbara göndərilir. 720 kvadratmetr sahədə tikilən soyuducu anbarda 250 ton qablaşdırılmış dondurma saxlanılır. Dondurma sexinin investisiya dəyəri 15 milyon manatdır. Ən son texnologiya ilə qurulan zavoda avadanlıq Danimarkadan gətirilmişdir. Dondurmanın qabları isə Türkiyə istehsalıdır. Hazırda Azərbaycan bazarı ilə yanaşı, “Paldad” dondurmalarının Türkiyə, Gürcüstan, Özbəkistan və digər dövlətlərə ixracı istiqamətində danışıqlar aparılır.

Prezident İlham Əliyev müəssisənin məhsullarının nümunələrinə və dadına baxdı, kollektivi təbrik etdi.

AzərTAc

Bu diyar Azərbaycanın həmişə ayrılmaz tərkib hissəsi olub. Onu heç vaxt Azərbaycandan ayırmaq olmaz. Burada yaşayanlar da Azərbaycan xalqının tərkib hissəsidir.

    Lənkəran Azərbaycanın cox qədim yaşayış məskənlərindən biridir. Bölgə ərazisində aparılmış arxeoloji qazıntılar bu yerlərdə hələ tünc dövründən, yəni eramızdan əvvəl III-II minilliklərdə insanların yaşadığını təsdiq etmişdir. Əlverişli iqti ...